Ипотекийн зээлийн хүүг зургаан хувь болгон бууруулсан аравдугаар сарын нэгнээс 11 дүгээр сарын 5-ныг хүртэлх хугацаанд нийт 767 иргэнд 54.1 тэрбум төгрөгийн зээлийг Монголбанк, арилжааны банкны эх үүсвэрээр олгожээ. Гэвч эдгээр зээлд хамрагдсан иргэдээс 30 гаруй хувь нь л гэр хорооллынхон үлдсэн нь орон сууцтай иргэд байна.

Ипотекийн зургаан хувийн зээлийг зорилтот бүлгийн буюу орон сууцгүй, гэр хорооллын, бага орлоготой өрхүүдэд олгохыг зорьж байгаа гэсэн ч тухайн зээл нь зорилтот бүлэгтээ хүрч чадахгүй байгаа нь зээл гаргасан статитистик мэдээллээс харагдаж байна.

Дээрх шалтгаануудаас гадна зарим банкууд санхүүжилт ороогүй гэх шалтгаанаар зээл олгохгүй, гацаах тохиолдол ч гарч байгааг хэлж байна. Ийнхүү гэр хорооллын янданг цөөлж, иргэдээ орон сууцжуулах төр засгийн бодлого төдийлөн үр дүнтэй бус болж таарав уу гэх асуулт үлдэж байна.

---