2020 оны 11-р сарын 4-5-ны сүүлийн хоёр өдөрт 1068 хүнд коронавирусийн шинжилгээ хийхэд дөрвөн хүнээс халдвар илэрчээ

Тэдгээрийн хоёр нь Алтанбулагийн боомтоор орж ирсэн Беларус улсын 30, 48 настай жолооч нар байна.

Мөн 10-р сарын 20-нд УБ-Энэтхэг чиглэлийн онгоцоор ирсэн 19 настай залуугийн давтан шинжилгээнээс коронавирус илэрсэн байна.

Үүнээс гадна коронавирусийн халдвартай хүмүүст үйлчилж байсан сувилагчаас халдвар илэрчээ.

Эмч, эмнэлгийн ажилтнууд коронавирусийн халдвартай иргэдэд багаараа орж 14 хоногийн турш үйлчилдэг байна. 14 хоног ажиллаад 14 хоног тусгаарлагддаг байна. Түүний дараа шинжилгээгээ өгөөд гэртээ гардаг. Тухайн сувлигачийн хувьд ажиллаж байх хугацаандаа халдвар авчээ.

Тиймээс тус хамт олныг хяналтандаа авч, эмчилгээ хийж эхэлсэн байна. 

Мөн санамсаргүй түүврийн аргаар 31 сорьцод шинжилгээ хийхэд коронавирус илрээгүй байна.

Манай улсад коронаюирусийн халдварын 356 дахь тохиолдол ийнхүү бүртгэгдээд байна. Тэднээс 314-ийг нь этгээгээд байгаа бол 42 хүнийг хяналтандаа авч, эмчилж байгаа юм.

---