Зам тээврийн хөгжлийн сайдын 2020 оны арваннэгдүгээр сарын 05-ны өдрийн А/209 дугаар тушаалаар Улаанбаатар-Дархан чиглэлийн автозамын хөдөлгөөнийг нээлээ.

Азийн хөгжлийн банкны хөнгөлөлттэй зээлээр тавьж буй уг замын бүтээн байгуулалтын ажил дуусаагүйтэй холбоотойгоор нийт жин нь 44 тонн хүртэл буюу нэг тэнхлэг дээрээ 11 тонн хүртэл жинтэй тээврийн хэрэгсэл уг замаар зорчих боломжтой аж.

Уг замыг нээснээр дархан чиглэлд зорчиж буй иргэд 65.03 км газрыг шинэ баригдсан замаар, 70.16 км замыг хуучин хучилттай замаар, 68.92 км замыг нь цементээр бэхжүүлэн буталсан чулуун суурьтай замаар туулах юм байна.

---