Унгар Улсын Гадаад харилцаа, худалдааны сайд Петер Сияяарто Тайланд Улсад албан ёсны айлчлал хийхээр ирснийхээ дараа коронавирусээр оношлогдсон гэдгийг хоёр улсын албаны хүмүүс мэдээлэв.

Сияяарто болон түүний 12 хүний ​​бүрэлдэхүүнтэй төлөөлөгчийн баг мягмар гарагт коронавирусийн шинжилгээ өгсөн хэдий ч зөвхөн Гадаад хэргийн сайд халдвартай гэдэг нь тогтоогдсон гэж Тайландын Эрүүл мэндийн сайд Анутин Чарнвиракул мэдэгджээ.

Үүнээс хойш давтан шинжилгээнд хамрагдаад буй Сияяарто одоо Тайландын "Bamrasnaradura" халдвартын хүрээлэнд хэвтэн эмчлүүлж байгаа бөгөөд өнөөдөр орой эх орондоо буцахаар төлөвлөж байгаа аж. 42 настай Гадаад хэргийн сайд тусдаа онгоцонд сууж явах бол түүний багийн гишүүд өөр онгоцонд сууж явах гэнэ.

Унгарын төлөөлөгчид Тайландад хоёр өдрийн айлчлал хийн, хоёр улсын харилцааг бэхжүүлэн, эдийн засгийн холбоогоо сайжруулах талаар хэлэлцээр хийх ёстой байсан билээ. Мөн тус улсын Ерөнхий сайд Прают Чан-Оча болон Гадаад хэргийн сайд Дон Прамудвинайтай уулзах ёстой байсан ч бүх уулзалт цуцлагджээ.

Эх сурвалж: Associated Press

---