Австралийн Күйнслэнд мужийн Брисбэн хотод хоёр давхарт байшинд ганцаараа амьдардаг Энтон Нгуены гэр шатжээ. Гэрт нь гал гарах үед тэрээр тотьтойгоо хоёулаа байсан бөгөөд түймрийн утаа үнэртэж эхэлсэн даруйд галын мэдрэгч биш харин тоть эзнийгээ сэрээн аварсан байна.

Эрик нэртэй ногоон тоть галын мэдрэгчээс түрүүлж эзэндээ “Энтон” хэмээн удаа дараа орилж дохио өгөн сэрээжээ. Энтон сэрсэн даруйдаа хаалгаа нээгээд хартал байшингийнх нь ард тал шатаж эхэлж байжээ. Тэрээр галын машин дуудаж, тотио цүнхтэйгээ хамт тэврэн байшингаасаа гарсан байна.

Гал сөнөөгчид шөнийн 01 цагт ирсэн бөгөөд дөрвөн ч багийн гал сөнөөгчид цаг орчим галыг унтраахаар ажиллажээ. Ийнхүү Энтон Нгуен ухаалаг тотиныхоо ачаар байшинтайгаа шатаж, аль эсвэл угаартаж амь насаа алдахаас аврагдсан байна. Галын шалтгаан одоогоор тогтоогдоогүй, мөрдөн шалгах ажил үргэлжилж байна.

Эх сурвалж: ВВС

---