Арваад жил Ардчилсан нам засагласан Баянзүрх дүүрэгт ирэх дөрвөн жилд МАН засаглахаар болсон. Өөрөөр хэлбэл, өнгөрсөн сарын 15-нд болж өнгөрсөн орон нутгийн сонгуулиаар тус дүүргийн 43 суудлаас МАН 23 суудал авч олонхийг бүрдүүлсэн юм. 

Тиймдээ ч тус дүүргийн намын хороо хурлаа хийж дүүргийн засаг даргаа сонгожээ. 

Бидний авсан мэдээллээр ирэх дөрвөн жилд БЗД-ийг Н.Баярмөнх удирдахаар болжээ. Харин ИТХ-ын даргаар төлөөлөгч А.Баярыг сонгосон байна. Тус дүүргийн ИТХ маргааш/2020.11.03/ хурлаа хийж засаг дарга, ИТХ-ын дарга нараа томилно. 

Засаг даргаар сонгогдоод буй Н.Баярмөнх гэж хэн бэ.

2009 он БЗД-ийн 26-р хорооны Иргэдийн нийтийн хурлын дарга,

2007- 2010 он МАН-ын 31-р үүрийн дарга,

2012- 2016 он БЗД-ийн МАН-ын хорооны дарга,

2008-2012 он БЗД-ийн Иргэдийн төлөөлөгчдийн хуралд төлөөлөгч,

2011-2012 он БЗД-ийн ЗДТГ-ын Засаг даргын орлогч,

2012 -2016 он БЗД-ийн хурлын төлөөлөгч, 2016 он НИТХ-ын төлөөлөгч, тэргүүлэгчээр тус тус ажиллаж байжээ. Мөн тэрээр 1992 он Дархан хотын Цагдаагийн хэлтэст. Эргүүлийн цагдаагаар ажиллаж байсан нэгэн аж. 

ИТХ-ын даргаар сонгогдсон А.Баяр: 

А.Баярын хувьд 2016-2020 онд БЗД-ийн ИТХ-д 6-р хорооноос сонгогдон ажиллаж байсан.  Эмч мэргэжилтэй. Өдгөө дахин төлөөлөгчөөр сонгогдоод байгаа юм.  

---