Монгол улсад коронавирусийн халдварын зөөвөрлөгдөн орж ирсэн 349 тохиолдол бүртгэгдээд байсан бол өнөөдөр дахин нэг тохиолдол нэмэгдэж, батлагдсан нийт тохиолдол 350 болсныг ЭМЯ-ны цахим хуудсанд мэдээлжээ.

Тодруулбал Дели-Улаанбаатар чиглэлийн онгоцоор аравдугаар сарын 20-нд ирсэн нэг хүний давтан шинжилгээнээс коронавирусийн халдвар илэрсэн байна.

Одоогоор 313 эдгэрч, 37 хүн эмчлэгдэж байгаа бөгөөд ажиглалтаас 307 хүн гарч, гэрийн ажиглалтад дөрөв, хяналтад хоёр хүн байна. Түүнчлэн ковид-19 цар тахал тархаж эхэлснээс хойш Монгол улс нийт 90,951 хүнд шинжилгээ хийж, 31,815 иргэнийг тусгаарласнаас яг одоогийн байдлаар 3,072 иргэн тусгаарлагдаж байна.

---