Монгол улсын Сангийн сайд Ч.Хүрэлбаатартай УИХ-ын Тамгын газрын 2 тэрбум төгрөгийн гэрээ, Эрдэнэт үйлдвэрийн дарга Х.Бадамсүрэнгийн "тансаглал", шинэ Нисэх онгоцны буудлын хэт өндөр үнэтэй худалдан авалт, Хэнтий, Баянхонгор аймгуудад яагаад өндөр төсөв тавьсан зэрэг асуудлаар ярилцлаа. 

-УИХ-ын Тамгын газар ТББ-уудтай 2 тэрбум төгрөгийн гэрээ байгуулсан байна? 

Сангийн сайд Ч.Хүрэлбаатар: 

-Баримтыг нь харъя. Харж байж хариу өгье. ҮАГ-ын аудит орж байгаа. Ер нь УИХ-ын Тамгын газар ТББ-уудтай гэрээ байгуулж болохгүй зүйл байхгүй. 

-Шинэ Нисэх онгоцны буудлын өндөр дүнтэй худалдан авалтын талаар? 

-900 сая төгрөгийн үнэлгээтэй автомашин худалдан авсан нь үнэн. Хууль, хяналтын байгууллагад шилжүүлсэн. 

-Эрдэнэт үйлдвэрийн дарга Х.Бадамсүрэнгийн үрэлгэн зардлын баримтууд дэлгэгдсэн. Энэ талаар бүлэг дээр ярилцсан уу? 

-Ямар ч нөхцөлд болохгүй. Тэр бол буруу. Х.Бадамсүрэнгийн талаар бүлэг дээр ярилцаагүй. Хуучнаар ТӨХ-ны шинэ болон хуучин удирдлагуудаас энэ талаар асуух хэрэгтэй. 

-Хэнтий болон Баянхонгор аймагт яагаад тэгж өндөр төсөв хуваарилсан бэ? 

-Хэнтий аймаг бол аялал жуулчлалын бүс нутаг. Дөрвөн жилийн өмнө энэ бодлогыг гаргаад, санхүү нь тавигдаад явж байгаа. 

---