УИХ дахь МАН-ын бүлэг 2021 оны төсвийн асуудлыг хэлэлцэж, танаж болох зардлын судалгааг гаргажээ.

УИХ-ын гишүүн Б.Жавхлан: Томилолт, бензин шатахууны зардлаас 15 тэрбумыг хэмнэхээр тооцсон. Зарим халамж, хөрөнгө оруулалтаас тодорхой хэмнэлт хийнэ. Ойролцоогоор 70 орчим тэрбумыг хэмнэнэ гэж тооцоолж байна.

Мөн ТӨҮГ-уудад бүтцийн өөрчлөлтийг хийнэ. Гэхдээ нэг удаагийн төсвийн хүрээнд хийгдэх боломжгүй. Нийт 500 гаруй ААН байна. 106 нь ТӨБЗГ шууд удирдаж байна. Татан буулгахыг нь буулгаж, зардлыг танахыг нь танана.

Халамж дээр давхардсан зүйл их байна. Тиймээс менежментийг нь өөрчлөх, бүтцийн өөрчлөлт хийх шаардлага байна.

-Өмч хувьчлалаас хэдэн төгрөг 2021 онд оруулах вэ. Хэдэн объект хувьчлах вэ?

-2021 онд хувьчлалын орлого байхгүй. Цаашид бүтцийн өөрчлөлт хийх, үр ашгийг сайжруулах олон ТӨҮГ байна. Тиймээс засаглалтай холбоотой асуудалд Засгийн газар бодлогоо гаргаад танилцуулах байх. 2021 онд бүтэц шинэчлэл явагдана.

МАН-ын бүлгийн дарга Д.Тогтохсүрэн: Туслахуудын цалин, тойрогт зарцуулах төсөв гэх мэтийг заавал ТББ-аар дамжуулж авах журамтай юм билээ. Түүнээс гадна хууль бэлтгэх, боловсруулахад зарцуулагддаг. Нэг УИХ-ын гишүүн 250 саяыг зарцуулах эрхтэй.

---