Их Британийн Лондон хотын метронд амны хаалтгүй зорчиж явсан гурван зорчигчид шаардлага тавьсан тус улсын Үндэсний эрүүл мэндийн албаны ажилтан хүнд бэртэл авчээ.

Гурван залуугийн нэг нь уг эрэгтэйг удаа дараа цохиод, метроноос шидсэн байна. Үүний улмаас эрэгтэйн нүдний ухархай нь гурван газарт хугарч, эрүү нь цуурчээ.

Энэ сарын эхээр болсон энэ хэргийн үеэр тус эрүүл мэндийн ажилтан амны хаалт зүүгээгүй хоёр эрэгтэй, нэг эмэгтэй дээр ирээд, яагаад нийтийн тээврийн хэрэгслээр амны хаалтгүй зорчиж байгааг нь асуусан байна. Гэвч үүний дараагаар тэд ам муруйн, хүчирхийллээр дуусжээ. Тус улсад нийтийн тээврийн хэрэгсэлд амны хаалт зүүхийг хуулиар шаарддаг аж.

Тэгвэл Их Британийн Тээврийн цагдаагийн газар одоо уг хэргийг албан ёсоор шалгаж байгаа бөгөөд сэжигтний зургийг олон нийтэд дэлгэн, иргэдээс мэдээлэл авч байгаа гэнэ.

Эх сурвалж: Newsweek

---