Он гарсаар гарам дээр 51 осол, зөрчил гарч, 36 удаа гал тэрэг яаралтай зогсолт хийснээс дөрвөн хүн галт тэргэнд дайруулж амь насаа алдсан байна. Иргэд болон жолооч нарын анхаарал болгоомжгүй байдлаас үүдэн төмөр замын гарам дээр осол, зөрчил гарах гол шалтгаан болж байна.

Төмөр замын гарам дээр гарч байгаа нийт осол, зөрчлийн 98 хувь нь иргэд, жолооч нар анхааруулах улаан гэрлэн дохио, тэмдэг тэмдэглэгээг зөрчиж, галт тэрэг ирж байхад төмөр замын аюултай бүс рүү нэвтэрч орсноос үүдэлтэй байдаг байна.

Өнгөрсөн онд нийт 236 удаа галт тэргийг яаралтай зогсолт хийлгүүлж байжээ. Шалтгаанаар авч үзвэл 141 иргэн гармаар анхаарал, болгоомжгүй гарснаас найман хүн дайрагдаж амь насаа алдсан байдаг. Мөн гармын анхааруулах улаан гэрэл асаж, хаалт бууж байх үед 46 автомашин гарам руу орж таван машин дайрагджээ. Харин энэ оны байдлаар төмөр замын осол зөрчил 2019 онтой харьцуулахад 78 хувиар буурсан үзүүлэлтэй байна.

Нөгөөтээгүүр УБТЗ-ын хэмжээнд 280 төмөр замын гарам байдгаас 172 нь Улаанбаатарт байдаг. Улаанбаатарт байгаа 172 төмөр замын гармаас авто болон төмөр зам ижил түвшинд огтлолцдоггүй байх шаардлагыг хангасан нэг гүүр, явган хүнд зориулсан гарц гарын таван хуруунд багтахуйц цөөхөн байна. Үндсэндээ нийслэлд ослын эрсдэлтэй 160 гаруй төмөр замын гарам байгаа юм.

---