АНУ-ын Ерөнхийлөгчийн сонгуулийн сурталчилгаагаа үргэлжлүүлж буй Ерөнхийлөгч Дональд Трамп энэ удаагийн сонгуульд ялагдал хүлээвэл эх орноосоо явж магадгүй хэмээн мэдэгджээ.

Жоржиа мужийн Макон хотод өнгөрсөн баасан гарагт болсон цуглааны үеэр Ерөнхийлөгч Трамп "Улс төрийн түүхэн дэх хамгийн муу Ерөнхийлөгчид нэр дэвшигчийн эсрэг өрсөлдөж байгаа нь надад дарамт учруулж байна. Хэрэв би ялагдвал юу болохыг төсөөлж байна уу? Би яах болж байна? Надад тийм ч сайхан байхгүй нь тодорхой. Магадгүй би АНУ-аас явах хэрэгтэй болох байх, мэдэхгүй юм даа" хэмээсэн байна.

Дональд Трамп түүнчлэн Мичиган, Висконсин мужийн дэмжигчидтэйгээ уулзах үеэрээ Ардчилсан намаас өрсөлдөгч Жо Байденыг үргэлжлүүлэн шүүмжилж, түүнийг "Манай улсын түүхэн дэх хамгийн том хямралыг бий болгоно" гэж хэлжээ. Тэрээр мөн Байденыг "Улс орныг хааж, вакциныг хойшлуулан, цар тахлыг сунгах болно" хэмээн мэдэгдсэн юм.

Харин түүний өрсөлдөгч Жо Байден энэ боломжийг ашиглан, Трампыг шоглоод амжив. Тэрээр өөрийн Твиттер хуудаснаа Дональд Трампын өмнө нь хэлж байсан ижил төстэй мэдэгдлүүдийн бичлэгийг байрлуулаад, "Амлаж байна уу?" хэмээн ёжилсон байна.

Promise? pic.twitter.com/Wbl86i8uYo

— Joe Biden (@JoeBiden) October 17, 2020

 Эх сурвалж: Financial Review, scroll.in

---