1971 онд Монголын үндэсний циркийн барилгыг Монголын талаас хариуцан ажиллаж, хүлээж авч байсан ахмад архитекторч Я.Шархүү, Циркчдийн холбооны гишүүдийн хамт Соёлын яамны төлөөллийг цаг хагасын турш гадаа хүйтэнд хүлээсэн боловч ирсэнгүй.

Соёлын яамны зүгээс Циркийн барилгаа буцааж авахаар судалж байгаа. Мөн өнөөдөр яамны төлөөлөл ирж Циркийн дотор талыг нурааж, хэв загварыг нь алдагдуулсан асуудалтай танилцах, шинээр төлөвлөсөн зураг төслийг үзэхээр цаг товлосон аж. Гэвч Соёлын яамны төлөөлөл утсаа ч авсангүй, өөрийн гараар Циркийн барилгыг босголцсон ахмад архитекторч өөрчлөгдсөн зураг төслийг харж чадсангүй. Циркийн барилга руу нэвтэрч орохыг хүссэн ч хариуцаж байгаа хүн байхгүй гэдэг шалтгаанаар оруулсангүй. Циркчид соёлын яамандаа хандаад үр дүнд хүрч чадахгүй бол дараагийн арга хэмжээ суулт зарлахаа мэдэгдээд байна.

---