УИХ-ын гишүүн Ж.Чинбүрэн нар Эм ханган нийлүүлэх хуулийг өргөн барьж, Эмийн агентлагийг 2021 оноос байгуулахаар тусгажээ. Ингэснээр иргэдэд ногдож буй эмийн үнийн дарамт буурна. Эмийн зах зээл дээр 500 тэрбум төгрөг эргэлддэг. Агентлагтай болсноор иргэдийн санхүүг хямруулж байгаа эмийн худалдан авалтыг бууруулна гэж үзэж байна.

УИХ-ын гишүүн Ж.Чинбүрэн: 

-Эмийн зах зээл дээр 500 тэрбум төгрөг эргэлдэж байна. Тэгэхээр үүнд төрөөс зохицуулалт заавал хийх ёстой болж байгаа юм. Монголчууд дэлхийн зах зээлээс хэд дахин үнэтэй эм хэрэглэж байна. Иргэдийг ядуурал руу түлхэж, санхүүг нь хямраадаг зүйлийн нэг нь эмийн худалдан авалт болчихлоо. Даралтны эм гэхэд л эмийн сангуудад арван төрлөөрөө байж байна. Иргэд үнэтэй эмийг сайн гэж боддог. Тэгэхээр Эм ханган нийлүүлэх хуулийг баталснаар 2021 оноос Эмийн агентлагтай болно. Эмийн үнийг бууруулж, иргэдээ хамгаална. 

---