Орон нутгийн ИТХ-ын мандатын тоо буюу суудлын тооны хувьд аймаг, нийслэлийн хэмжээнд 816, сум, дүүргийн ИТХ-ын мандатын тоо 7 мянга 353 байна. Улсын хэмжээнд 8169 суудлын төлөө 17 мянга 161 хүн өрсөлдөв.

Энэ удаагийн орон нутгийн сонгууль 07:00-20:00 цагийн хооронд үргэлжилсэн билээ. Чингэлтэй дүүргийн ИТХ-ын 30 дугаар тойрог 1-1 дүгээр хэсгийн хувьд ирц 55 хувьтай байгааг саналаа өгсөн иргэн дурдлаа. Орон нутгийн сонгууль 20:00 цагт дуусаж, бүх хэсгийн хороод үүдээ барьж, хэсгийн ахлагч, намуудын ажиглагч нарын хамт хар машинаар санал тоолж, СЕХ-нд хүргүүлэх юм. 

Санал хураалтын дараа хуульд заасны дагуу бүх хэсгийн хороонд хяналтын тооллогыг саналын хуудасны 50 хүртэлх хувьд явуулна. Ингэхдээ тухайн хэсэгт байгаа нам, эвслийн ажиглагчдын сонголтоор ил тод тоолно.

---