СБД-ийн 1-р хорооны 2-р санал авах хэсгийн байрнаас сэтгүүлч С.Будрагчаа дараах шууд дамжуулалтыг та бүхэнд хүргэж байна. Тус байранд сонгуулийн ирц 47.4 хувьтай байгаа нь өмнөх УИХ-ын сонгуультай харьцуулахад туйлын хангалтгүй үзүүлэлт болж байгаа аж. 

Хэсгийн ахлагч М.Цогбаяр: 

-Манай хэсгийн хороонд 2547 сонгогч бүртгэлтэйгээс 19 цаг 30 минутын мэдээгээр 1199 сонгогч буюу 47,4 хувь нь саналаа өгөөд байна. Энэ нь өмнөх УИХ-ын сонгуультай харьцуулахад бага байна. Үдээс өмнө 50-иас дээш насныхан идэвхтэй байсан бол одоо 26-40 насныхан идэвхжиж байна. Харин, 18-25 насныхан саналаа хамгийн бага өгч байна. 

---