Баянзүрх дүүргийн 19 дүгээр хороо ИТХ-ын 25-р тойрогт нийт нийслэлд тав, дүүрэгт 10 нэр дэвшигч өрсөлдөж байгаа юм. Тус дүүргийн сонгуулийн 3-р хэсгийн ахлагч О.Мөнх-Эрдэнээс орон нутгийн сонгуулийн ирцийн талаарх мэдээллийг авлаа.

3-р хэсгийн ахлагч О.Мөнх-Эрдэнэ “Манай хэсгийн хороонд нийт 2639 иргэн санал өгөх ёстой. Санал хураалт 07:00 цагт эхэлж одоогийн байдлаар 180 иргэн буюу 6,79 хувьтай байна. Иргэдийн хувьд маш хойрго байна. Иргэд сонгогч нартаа уриалж хэлэхэд сонгуульдаа идэвхтэй оролцохыг уриалж байна.

Саналаа өгөхөөр ирж байгаа иргэд заавал амны хаалттай, иргэний үнэмлэхтэйгээ ирэх ёстой. Иргэний үнэмлэхгүй байсан ч болно. Учир нь хурууны хээ уншуулж байгаа. 

Санал авах байранд цагдаа, онцгой байдлын албан хаагч болон эмч, ажиглагч нар ажиллаж байгаа. Иргэдийн гарыг ариутган, бээлий өмсгөн саналыг нь өгүүлж байна” гэсэн юм.

Тус санал авах хэсгийн хорооны хувьд үйл ажиллагаа хэвийн явж байгааг дурдсан юм.  

---