Аймаг, нийслэл, сум дүүргийн ИТХ-ын сонгуулийн сонгогчийн санал авах ажиллагаа өнөө өглөө 07:00 цагт эхэллээ. Санал авах ажиллагаа 13 цаг үргэлжилж 20:00 цагт дуусна.

Улсын хэмжээнд нийт 2148 санал авах байранд 2 сая 147 мянган иргэн саналаа өгнө. Сонгуулийн санал авах байрыг Ковид-19-ийн халдвараас сэргийлэн ариутгал, халдваргүйжүүлэлтийг хийжээ.

Сонгуулийг зохион байгуулах ажилд нь 21176 төрийн албан хаагч ажиллаж байна.

Аймаг, нийслэлийн ИТХ-ын сонгуульд 9 нам, нэг эвсэл, бие даагч, сум дүүргийн ИТХ-д 9 нам болон бие даагч нийт 17149 нэр дэвшигч өрсөлдөж байна.

Орон нутгийн сонгуулийн дүнд 21 аймаг, нийслэлээс 816, 330 сум, 9 дүүргээс 7353 төлөөлөгч сонгогдоно.  

---