“Эрдэнэт” үйлдвэрийн онцгой дэглэмийн хугацаа дуусаж, ажлын хэсгээр ахлагчаар ажиллаж байсан ЗГХЭГ-ын дарга Л.Оюун-Эрдэнэ ажлаа хүлээлгэн өгсөн билээ. Тэрбээр “Эрдэнэт үйлдвэрийн 49 хувь Сингапур улс руу шилжих нөхцөл байдал үүссэнтэй холбоотойгоор онцгой дэглэм тогтоосон. Одоо бол Эрдэнэт үйлдвэр 100 хувь төрийн өмчит болсон. Тухайн үед Хөгжлийн банк, Монгол банкнаас мөнгө гарсан тул одоо байгаа ажлын хэсэг хэрхэн суутгах замаар тооцоо хийх шийдвэр гаргах байх. Тодорхой хэмжээнд ярилцаад ямар үр дүн гарахыг мэдэхгүй байна” гэсэн юм.

ЗГХЭГ-ын дарга Л.Оюун-Эрдэнийг тагнаж, чагнасан гэх гомдлын дагуу саяхан албан тушаалаа өөрийн хүсэлтээр өгсөн ТЕГ-ын дарга асан Д.Гэрэлд хэрэг бүртгэлийн хэрэг нээсэн билээ.

Уг хэргийн талаар Л.Оюун-Эрдэнээс тодруулахад тэрбээр “Д.Гэрэл гэж хүнд хандаж хэлэхэд одоо хэвлэл мэдээллээс савраа татах хэрэгтэй. УИХ-ын гишүүдтэй уулздагаа боль.

Хэвлэл, мэдээллээр бичүүлээд, УИХ-ын гишүүдэд нөлөөллөө гээд ямар нэгэн байдлаар би гомдлоо татах хэмжээнд хүрэхгүй. Нэг зүйлийг хатуу хэлж байгаа хэнээр ч дарамтлуулсан бай ингэх тусам би хардах болно гэж.

Би хэн нэгэн хүний мууг үзэх гээд байгаа биш. Шүүхээр гэм буруутай нь тогтоогдоогүй байхад нэр төрд нь халдахгүй байхыг хүсэж байгаа. Гэтэл Д.Гэрэл дарга өөрөө ар, өврөөр ярьж байгаа мэдээлэл аваад байгаа ч ш дээ. Ингээд хэрэггүй” гэдгийг хэлье гэсэн юм.

---