Өнөөдөр Төрийн ордон эзгүй байна. Учир нь УИХ-ын гишүүд ажлаа таслаад орон нутгийн сонгуульд явжээ. Албан бус мэдээллээр энэ долоо хоногт УИХ-ын чуулган ч хуралдахааргүй болсон байна.

 Уг нь энэ долоо хоногт хэд хэдэн чухал асуудлыг хэлэлцэхээр товлосон байна. Тухайлбал,

·  Үндсэн хуулийн цэцийн 2020 оны 08 дугаар дүгнэлт;

·  Монгол Улсын 2021 оны төсвийн тухай, Нийгмийн даатгалын сангийн 2021 оны төсвийн тухай, Эрүүл мэндийн даатгалын сангийн 2021 оны төсвийн тухай хуулийн төсөл,

·  Монгол Улсын Ерөнхий сайдын мэдээлэл: Коронавируст халдвар /КОВИД-19/-ын цар тахлаас урьдчилан сэргийлэх, тэмцэх чиглэлээр цаашид авч хэрэгжүүлэх арга хэмжээний талаар УИХ дээр мэдээлэл хийхээр төлөвлөжээ.

Гэвч УИХ-ын гишүүд байхгүй, мөн Пүрэв гарагт орон нутгийн сонгуультай учир бүх нийтийн амралттай өдөр таарч байна. Тиймээс Баасан гарагт нь ч хуралдахгүй байхаар зохицуулсан гэх мэдэлэл байна.

 

---