ЭМЯ-наас коронавирусийн халдварын сүүлийн үеийн мэдээллийг өгч байна. Сүүлийн гурван хоногт 2027 хүнд шинжилгээ хийхэд 2024 иргэнээс халдвар илрээгүй гурван хүнээс коронавирус илэрсэн. 

• Аравдугаар сарын 8-нд Алтанбулаг боомтоор орж ирсэн 51 настай эрэгтэй жолооч
• Аравдугаар сарын 10-нд Токиогоос ирсэн 31 настай эмэгтэй 
• Аравдугаар сарын 10-нд Токиогоос ирсэн 25 настай эрэгтэйгээс коронавирусийн халдвар илэрч ХӨСҮТ-д хэвтэн эмчлүүлж байна. 

Манай улсад коронавирусийн зөөвөрлөгдөн батлагдсан тохиолдол 318 болж, 310 иргэн эдгэрч эдгэрэлт 97.5 хувьтай байгаа юм. Түүнчлэн наймдугаар сарын 30-нд Нурсултанаас ирсэн 60 настай эмэгтэй, есдүгээр сарын 2-нд Сиатлаас ирсэн 81 настай эмэгтэйгээс коронавирус илэрч эмчилгээ хийлгэн өнөөдөр эдгэрч эмнэлгээс гарлаа гэдгийг ХӨСҮТ-ийн ерөнхий захирал Д.Нямхүү дурдлаа. 

 ХӨСҮТ-д найман иргэн хэвтэн эмчлүүлж байгаа бөгөөд таван иргэний биеийн байдал хөнгөн, гурван иргэний биеийн байдал хүндэвтэр байна. 

---