Долоо хоног бүр ЭХЭМҮТ-ийн хүүхдийн нүдний тасгаар 300 орчим хүүхэд үзүүлдэг. Жилд 1000 орчим хүүхэд нүдний мэс заслын тасагт хэвтэн эмчлүүлдэг байна. Хүүхдийн хараа 5 нас хүртлээ хөгжиж насанд хүрсэн хүний хараатай адил тогтдог байна. Сүүлийн 10 жилийн хугацаанд нийгмийн хөгжил хотжилттой холбоотой хэрэглээ буюу гар утас, компьютер, зурагтын дэлгэцээс үүдсэн харааны хугаралын өөрчлөлт 2 дахин нэмэгдсэн.
АНУ-д хийгдсэн судалгаанаас 2 хүүхэд тутмын нэгд эцэг эхчүүд өөрсдөө гар утас үзүүлж донтуулсан байдаг байна.

Манай улсад энэ төрлийн судалгаа хийгдээгүй ч гар утас, дэлгэцтэй удаан харьцах нь хараанд муу гэдгийг иргэд мэддэг, энэ талаар мэдээлэлтэй байдаг.

ДЭМБ-ийн зөвлөмжөөр 18 сар хүрээгүй хүүхдэд дэлгэц үзүүлэхийг хориглодог. 5 нас хүртэлх хугацаанд өдөрт 20 минут дэлгэц ашиглахыг зөвшөөрдөг. Дэлгэцийн нөлөөтэй холбоотой хараа муудах өвчлөл жил ирэх тусам нэмэгдэж байна. Насанд хүрсэн хүн тасралтгүй дэлгэцтэй ажиллах тохиолдолд 50 минут болоод 20 минут завсарлах нь хэвийн гэж үздэг байна.

---