Өнгөрсөн долоо хоногийн Мягмар гаригт УИХ-ын гишүүн Д.Хаянхярваа тэргүүтэй 27 гишүүн Засгийн газрыг огцруулах тогтоолын төсөл өргөн барьсан.

Хуульд зааснаар тогтоолын төслийг холбогдох Байнгын хороо долоо хоногийн дотор хэлэлцэж дүгнэлт гаргах ёстой. Тиймээс  Засгийн газрыг огцруулах эсэхийг шийдэх сүүлчийн өдөр өнөөдөр. Үдээс хойш 15:00 цагаас  Төрийн байгуулалтын байнгын хороо хуралдах товтой байна.

Өнгөрсөн долоо хоногийн Баасан гаригт хэлэлцэхээр төлөвлөсөн ч Байнгын хорооны ирц бүрдээгүй гэдэг шалтгаанаар уг байнгын хорооны хуралдаан хойшилсон билээ.

---