Төрийн байгуулалтын байнгын хорооны хуралдаан 17:00 цагт эхлэхээр товлогдоод байсан юм. Энэ удаагийн хуралдаанаар Засгийн газрыг огцруулах эсэх асуудлыг хэлэлцэх байсан юм.

Гэвч уг байнгын хорооны хуралдааны ирц бүрдээгүй тул ирэх мягмар гарагийн 15:00 цаг хүртэл хойшиллоо.

УИХ-ын нэр бүхий 27 гишүүн У.Хүрэлсүхийн засгийн газрыг огцруулах саналыг энэ долоо хоногийн мягмар гарагт  өргөн барьсан.

УИХ-ын Дэгийн тухай хуулийн 38 дугаар зүйлд “Ерөнхий сайд, Засгийн газар, Засгийн газрын гишүүнийг огцруулах асуудлыг хэлэлцэх журам” Дэгийн тухай хуулийн 38.1-д Ерөнхий сайд, Засгийн газар, Засгийн газрын гишүүнийг огцруулах саналыг Улсын Их Хуралд өргөн мэдүүлсэн бол саналыг Төрийн байгуулалтын байнгын хороо, Засгийн газрын гишүүнийг огцруулах саналыг холбогдох Байнгын хороо долоо хоногийн дотор хэлэлцэж санал, дүгнэлт гаргана.  

Тус хуулийн 38.2-д УИХ-ын нэгдсэн хуралдаанаар Байнгын хорооны санал, дүгнэлт гарснаас хойш долоо хоногийн дотор хуралдаж, Байнгын хорооны дүгнэлтийг сонсож илээр санал хураалт явуулж УИХ-ын гишүүдийн олонх дэмжсэн бол огцруулах тухай тогтоол батлагдсанд тооцно” гэжээ.

УИХ-ын 27 гишүүн Засгийн газрыг огцруулах саналаа энэ долоо хоногийн мягмар гарагт өргөн барьсан. Ирэх долоо хоногийн мягмар гарагаас хэтрэхгүйгээр асуудлыг авч хэлэлцвэл хууль зөрчихгүйгээр шийдэгдэх аж.

---