Зүүн Азийн АШТ-ий хоёрдугаар шатны тоглолтууд 11-р сарын 11-16-ны хооронд Хятадын Тайваньд, БНАСАУ, Хонгконг, Тайвань, Монголын хөлбөмбөгийн шигшээ багуудын хооронд болж өндөрлөв. Хоёрдугаар шатыг Хонгконгийн шигшээ баг давж, 2019 онд Өмнөд Солонгост болох Зүүн Азийн АШТ-ий нэгдүгээр шатны эрх авлаа. Хэдийгээр БНАСАУ, Хонгконгийн багууд адил долоон оноо, нэмэх таван бөмбөгийн зөрүүтэй ч Хонгконгчууд манай багийг 5:1-ээр хожсон учир дараагийн шатны эрх авсан юм.

 

 

Майкл Вайсс дасгалжуулагчтай Монголын хөл бөмбөгийн шигшээ баг анх удаа хоёрдугаар шатанд шалгарч хүчирхэг багуудын эсрэг тоглосон ч бүгдийнх нь хаалганд гоол оруулж чамлахааргүй өрсөлдөгч гэдгээ харуулсан. МХБХ-ны Ерөнхийлөгч А.Ганбаатар "Бид анх удаа энэ шатанд шалгарч байгаа ч тоглолтын хувьд муу байсангүй.

 

 

Тиймээс хожигдолдоо гутрах биш олсон туршлагаа дараагийн том тэмцээн болох ДАШТ-ий урьдчилсан шатны эрхийн төлөөх тэмцээн дээр харуулцгаая" хэмээн шигшээ багийн залууст урам хайрласан байна. Тэрбээр Зүүн Азийн Хөлбөмбөгийн Холбооны гишүүний хувьд тэмцээний хаалтын үйл ажиллагаанд оролцож, Монголын шигшээ багт хоёрдугаар шатанд оролцсон батламжийг гардуулав.

                                     

 

 

---