“Эрхэмсэг” бүжгийн хамтлаг  “Хувьсахуй” тоглолтоо Corporate Convention center-т 12 сарын 06-нд толилуулахаар бэлтгэл ажилдаа оржээ. Тус хамтлагийнхан тоглолтоороо орчин цагийн бүжгийн урсгалыг бүжиг дэглээчдийн ур ухаан, хөгжмийн зохиолчдын аялгуу хэмнэлд өөрсдийн ур чадвараа харуулах гэнэ.

 

 

Тэд монголын бүжгийн урлагт өөрсдийн авьяасаа зориулан уран бүтээлээ хийсээр долоон жилийг үджээ. “Эрхэмсэг” нь мэргэжлийн бүжигчдээс бүрдсэн долоон гишүүнтэй охидын бүжгийн хамтлаг юм.

 

 

Бүжгийн урлаг сонирхогч, дэмжигч үзэгч олондоо өөрсдийн өвөрмөц онцлогийг шингээсэн дэлхийн улс үндэстний болон орчин үеийн бүжгүүдийн урсгалыг харуулсан  тоглолтоо “Джаз модерн” 2015 онд, “Эрхэмсэг үдэш” 2016 онд, “Эрхэмсэг үдэш 2” 2017 онд үзэгчдэд хүргэсэн байна. Тэд цаашдаа тив дэлхийн улс орнуудад Монгол орныхоо нүүдэлчдийн өвөрмөц өв соёл, ёс заншил, түүхийг бүжгийн урлагаар дамжуулан сурталчлан таниулах гэнэ.

 

---