Сонирхогчдын Боксын Эмэгтэйчүүдийн ДАШТ Энэтхэгийн нийслэл Дели хотноо өнөөдөр медалийн төлөөх тоглолтуудаар үргэлжлэн явагдаж байна. 

Нийт 33 орны шилдэг ширэн бээлийтнүүд медалийн төлөө тулалдаж байгаа ба манай улсаас 7 ширэн бээлийтэн ДАШТ-д оролцсоноос 54кг жинд тулалдсан М.Нандинцэцэг эх орноо төлөөлөн хүрэл медалийн төлөө тулалдан ялалт байгууллаа. 

54 кг жинд M.Нандинцэцэг эхний тойрогт Унгар улсын тамирчин Ц.Цабинаг техникийн илт давуугаар хожсон бол шигшээ 8-д шалгарах тулаанаа Хорват улсын боксчин Питеса Зелжанатай хийж мөн хугацаанаас өмнө "дутуу гаргаж" гайхалтай сайхан тоглолтыг үзүүлсэн билээ.

Дөнгөж сая М.Нандинцэцэг хүрэл медалийн төлөө Марокко улсын Зохра Эз-Захроутай тулалдан бүх шүүгчдийн саналаар буюу 5:0 харьцаагаар хожиж ДАШТ-ийн хүрэл медалийн болзол хангалаа. Зохра Эз-Захроугийн хувьд Рио-2016 Олимпийн их наадамд оролцож байсан энэ жил 35 настай хашир туршлагатай тамирчин юм.

Ийнхүү М.Нандинцэцэг Монгол улсаас анхны эмэгтэй Дэлхийн медальт боксчин боллоо. Тэрээр цааш мөнгөн медалийн төлөө Болгар улсын боксчин Стойка Петроватай тулалдах юм. 

www.LiveTV.MN сайт сонирхогчдын боксын ДАШТ-ийг шууд дамжуулан хүргэж байгаа бөгөөд Монгол тамирчдынхаа тулааны өмнөх болон дараах мэдээллийг та бүхэндээ шуурхай хүргэхээр ажиллаж байна. 

М.Нандинцэцэгийн хүрэл медалийн төлөөх тулааны бичлэг:

 

А дэвжээг шууд үзэх:

В дэвжээг шууд үзэх:

---