Хүн хэдийчинээ олон ном уншина төдий чинээ олон хүний амьдралаар амьдарна гэдэг үг бий. Хэдийгээр бидний өөрсдийн амьдрал дахин давтагдашгүй ч гэлээ өнгөрсөн, одоо, ирээдүй цагт оршиж байгаа төрөл бүрийн хүний амьдралыг өөртөө тусгаж мэдэрнэ гэдэг гайхалтай биш гэж үү?  Өвлийн урт улирлыг хамгийн үр ашигтайгаар өнгөрөөх алхам бол  ном унших гэж хэлбэл та санал нийлэх биз ээ. Нэг л өдрийн дотор мартагдаж орхидог сошиал ертөнцөөс бага боловч хөндийрч, олон зуун жилийн түүхтэй уран зохиолын шилдэг, сонгодог номуудаас та сонголт хийгээд уншаарай.

 

 

Сүүлийн үед хамгийн их шуугиан дэгдээсэн хайр дурлалын тухай романы нэг. Энэ бол Европ дахинд бестселлер болж чадсан Януш Леон Вишневскийн “Сүлжээн дэх ганцаардал” роман юм. Зохиолын баатрууд интернэт-чатаар танилцан, эротик уран зөгнөлөө хуваалцаж, амьдралынхаа түүхийг бие биедээ ярилцан татагдсаар эцэстээ салж хагацахааргүй болтлоо дурлалцдаг.

 

 

Тэд багагүй саад бэрхшээлийг туулан байж Парист учрах хэдий ч амьдралын хамгийн том сорилт нь тэрхүү уулзалт байх болно. Энэ ертөнцөд мөнхийн гэж хэлж болох бүх зүйлээс хайр дурлал хамгийн богино настай нь.Тэгвэл тэдний дунд өрнөх “Сүлжээн дэх ганцаардал” чухам юу байх юм бол? Танд ч гэсэн тэдний тухай мэдэх сонирхол яг одоо төрж байгаа биз дээ. Тэгвэл та энэ номны эхний хуудсыг нээгээд үз.

 

    

 

---