Румын улсын нийслэл Бухарест хотноо 2018 оны ДАШТ 11 сарын 12-18-ны өдрүүдэд зохион байгуулагдаж байна.

23 хүртэлх насны ДАШТ-ийн 57 кг-ын жинд ДАШТ-ийн алт, мөнгөн медальт, Залуучуудын дэлхийн аварга, цэргийн дэлхийн аварга, Азийн наадам болон Азийн АШТ-ийн хошой хүрэл медальт, “Монголиа Опен” ОУТ болон Монгол Улсын гурван удаагийн аварга, “Алдар” спорт хорооны тамирчин, гавьяат тамирчин Сүхээгийн Цэрэнчимэд зодоглож, хүрэл медаль хүртлээ.

Тэрээр Бухарестаас Монголын багийн хоёр дахь хүрэл медалийг эх орондоо авчирснаас гадна дөрвөн насны ангиллаар ДАШТ-ээс медаль хүртсэн Монголын чөлөөт бөхийн төдийгүй спортын түүхэн дэхь анхны тамирчин болж байна.
С.Цэрэнчимэд “Сомбатхей-2011” өсвөр үеийн ДАШТ-ээс хүрэл, “Софи-2013” залуучуудын ДАШТ-ээс алт, “Ташкент-2014” онд насанд хүрэгчдийн ДАШТ-ээс алт, “Лас-Вегас-2015”-аас мөнгөн медаль хүртэж байв.

Одоо түүний бүх барилдаануудын бичлэгийг хамтдаа үзэцгээе.

1/8 шигшээд эзэн орны Дениса Юлиана Фодорыг оноогоор цэвэр ялсан барилдааны бичлэг:

Шөвгийн наймд Украины Алина Акобианыг цэвэр ялсан барилдааны бичлэг:

Хагас шигшээд энэ жилийн Пан-Америкийн АШТ-ий хүрэл медальт, оюутны дэлхийн дэд аварга Канадын Алехандра Ребекка Тоунд оноогоор цэвэр (3:15) ялагдсан барилдааны бичлэг:

Хүрэл медалийн төлөөх барилдаанд ЕАШТ-ий хошой хүрэл медальт Азербайжаны Алона Колесникийг туршлага заан 11:3-аар ялснаар хүрэл медалийн эзэн боллоо.

---