УИХ дахь МАН-ын бүлэг өнөөдөр хуралдаж, 2019 оны төсвийн тухай хуульд бүхэлд нь тавьсан Ерөнхийлөгчийн хоригийг хүлээн авах эсэхийг хэлэлцлээ. Бүлэг үдээс өмнө энэ асуудлаар хуралдаж, түр завсарлаад дахин хуралдсан юм. Бүлгийн хуралдаанаас Ерөнхийлөгчийн тавьсан хоригийг хүлээн авах боломжгүй гэж үзсэн байна.

Монгол Улсын Ерөнхийлөгч Х.Баттулга 2019 оны төсвийн тухай хуульд хориг тавихдаа Монгол Улсын 2019 оны төсвийг дагалдах хууль тогтоомжуудын хамт шинээр боловсруулан, Улсын Их Хурлаар дахин хэлэлцэж батлах шаардлагатай гэж үзсэн билээ.

УИХ-д олонхийн суудалтай МАН-ын бүлэг ийн үзсэн тул 2019 оны төсвийн тухай хуулийг дахин хэлэлцэх шаардлаггүй бололтой.

 

 

---