Ирландын Корк хотод 17 настай охиныг шөнийн цагаар зам дээр хүчирхийлсэн этгээдийг гэм буруугүй гэж үзжээ.

Учир нь 27 настай эрэгтэйг хүчирхийллийн гэмт хэрэг үйлдэх үед өсвөр насны охин нарийн оруулгатай нимгэн буюу бензэн дотуур хувцастай байсан нь уриалан дуудсан үйлдэл байсан гэжээ.

Корк хотын шүүх шийдвэрээ гаргасны дараа Ирландад эсэргүүцлийн жагсаал газар авсан байна. Жагсагчид “нимгэн дотуур хувцас бол гэмт хэргийг өдөөх хэрэгсэл биш” хэмээн уриалжээ.

Мөн шүүхийн шийдвэрийг шударга бус гэж үзсэн охид эмэгтэйчүүд өөрсдийн Твиттер хуудсандаа бенз хэлбэртэй дотуур хувцасны зургаа нийтэлж “энэ бол зөвшөөрсөн гэсэн үг биш” гэсэн хаш таг хөдөлгөөнийг дэлхий даяар өрнүүлж байна.

 

 

Энэ үйлдлээрээ гэмт этгээдэд зохих ёсны шударга шийтгэл оноохыг шаардаж байгаа юм.

Их Британийн бүрэлдэхүүн Ирландад оны эхэнд бэлгийн хүчирхийллийн гэмт хэрэгт өртсөн эмэгтэйчүүдийн түүхийг олон нийттэй хуваалцаж, дэм үзүүлэх аяныг уриалсан. Учир нь энэ мэтчилэнгээр хүчирхийллийн гэмт хэрэг үйлдэгчид ял шийтгэл амсалгүй өнгөрч байгаад эмэгтэйчүүдийн эрхийг хамгаалагчид бухимдсаар байна.

 

 

Өнгөрсөн гуравдугаар сард Умард Ирландын нийслэл Белфаст хотод регбигийн хоёр тамирчин үдэшлэгийн үеэр оюутан охиныг хүчирхийлсэн ч буруугүй гэж шүүхээс шийджээ. Тухайн үед мөн л эсэргүүцлийн хөдлөгөөн өрнөж байсан юм.

Энэ удаагийн хаш таг хөдлөгөөнд Ирландын Парламентын эмэгтэй гишүүн нэгдэж дотуур хувцасныхаа зургийг нийтэлжээ.

 

 

Эх сурвалж: www.cnn.com

---