Япон улс энэ оны гуравдугаар улирлын эдийн засгийн тайлангаа танилцууллаа. Өнгөрсөн 7-9 дүгээр сард эдийн засгийн өсөлт таамаглаж байснаас огцом удааширсан байна.

Удаа дарааллан байгалийн гамшиг тохиосноор урьдчилан тооцоолоогүй төсвийн алдагдал гарч, экспорт эрсдэлд орсон.

Энэ оны гуравдугаар улиралд Японы эдийн засаг 1,2 хувиар буурсан үзүүлэлт гарсан байна.

Газар хөдлөлт, далайн хар салхи зэрэг байгалийн гамшгуудаас гадна Хятад, Америкийн худалдааны дайн дэлхийн эдийн засгийн өсөлтөд нөлөөлж магадгүй нөхцөл байдал үүссэн.

Байгалийн гамшгийн улмаас үйлдвэрүүд хаалгаа барьж, төсвийн зардал ихэссэн. Харин хоёр гүрний худалдааны дайнаас болж машин, электрон барааны экспорт ганхсан байна. Учир нь Япон улс энэ төрлийн бараа бүтээгдэхүүн нийлүүлэгч гол орнуудын нэг юм.

Дээрх хүчин зүйлсээс улбаалж эдийн засагчид Японы эдийн засаг оны гуравдугаар улиралд нэг хувиар удааширна гэж тооцож байжээ.

Оны хоёрдугаар улиралд Японы эдийн засгийн өсөлт 1,8 хувиар буурсан нь ойрын гурван жилд хамгийн хурдацтай буурсан үзүүлэлт байсан юм.

Эх сурвалж: www.bbc.com

---