Монголын хувийн хэвшлийн бага, дунд сургуулиудын холбооноос "Монголын төрийн бус сургуулиудын улсын III чуулган”-ыг зохион байгуулж байна.

Тус чуулганы зорилго нь бодлого боловсруулагч, шийдвэр гаргагч нартай санал бодлоо солилцох, тэдэнд дуу хоолойгоо хүргэх, тулгамдсан асуудлаа ярилцах, хамтран ажиллах, хувийн сургуулиудын тухай нийгэм дэх ойлголтыг гүнзгийрүүлэх гэнэ. 

Чуулганд УИХ-ын Нийгмийн бодлого, соёл, шинжлэх ухааны байнгын хорооны гишүүн, УИХ-ын гишүүн А. Ундраа, БСШУС-ын сайд Ц. Цогзолмаа, Сангийн яам, НБГ, НМХГазрын дарга нар ирж оролцоно. Энэхүү чуулганд нийт Монгол улсын төрийн бус өмчийн 100 гаруй сургуулийн төлөөлөл оролцож байгаа юм.  

Төрийн бус өмчийн сургуулиуд 1990-ээд оноос хойш төрийн ачааг үүрэлцэж байгаа бөгөөд 2018-2019 оны хичээлийн жилийн байдлаар 147 сургууль 39000  хүүхдийг сургаж, 3000 гаруй багшийг  ажлын байраар хангаж нийгмийн хариуцлага хүлээн, багш, ажилтны нийгмийн асуудлыг шийдэн ажиллаж байна.

 

 

 

---