2019 оны өвөл утаа 50-60 хувиар буурахгүй бол БОАЖ-ын сайд Н.Цэрэнбат хариуцлага үүрэхээ мэдэгдэн хэд хэдэн ажил хийж хэрэгжүүлэх юм бол агаарын бохирдлыг буурах болно хэмээсэн. Тэрбээр агаарын бохирдлыг бууруулах чиглэлд 2019 оны төсвийн төсөлд 154 тэрбум төгрөг зарцуулахаар төлөвлөсөн ажээ.

Сайдын зүгээс өөр санал санаачилга, тухайлбал ахуйн хий рүү эргэлт буцалтгүй шилжих, сэргээгдэх эрчим хүчний хуулийг өөрчилж өрх бүр нарны эрчим хүчээр хангагддах байх боломжийг нээх, орон сууцжуулах зэргийг зүтгүүлсэнгүй, яндангийн шүүлтүүр нь унангуут дургүйд хүчгүйн үлгэрээр тэр чигт нь хөсөр хаячихжээ 

Уг төсвийн төсөлд өрхийн зуухны индукцийн фильтрт 51 тэрбум, бага дунд оврын 3,000 мянган зууханд фильтр суурилуулахад 22,5 тэрбум төсөвлөсөн байсан юм. Иргэдийн хувьд дээрх шийдвэрт шүүмжлэлтэй хандсан бөгөөд Байгаль орчин, хүнс хөдөө аж ахуйн байнгын хорооны хуралдаанаар дээрх төсвийн төслийг дэмжээгүй ба өнгөрсөн долоо хоногт УИХ 2019 оны төсвийн төслийг эцэслэн баталсан.

Агаарын бохирдлыг бууруулах чиглэлд хэдэн төгрөг эцсийн байдлаар төсөвлөсөн талаар БОАЖЯ-наас тодруулахад “Төсвийн задаргаа манай дээр хараахан ирээгүй байгаа. Гэхдээ анх төсөвлөсөн мөнгөөс тодорхой хувиар хасагдсан. Яг хэдэн төгрөг зарцуулахаар болсон талаар нарийн мэдээлэл одоогоор байхгүй байна” гэв.

2019 оны төсвийн төслийг харахад гэр хорооллын хэрэглэгчдэд шөнийн цахилгаан эрчим хүчний хөнгөлөлтөд 150 000 өрхийг хамруулах бол Улаанбаатар хотын гэр хорооллын айл өрхийг 2.5 кВт, 4 кВт-ын чадалтай цахилгаан халаагуурт шинээр 41200 өрхийг хамруулахаар болсон байна.

 

 

Энэ жилийн хувьд агаарын бохирдлыг бууруулахад найман тэрбум төгрөг төсөвлөсөн бөгөөд нийслэлчүүд утаатайгаа өвөлжихөөр болсон. БОАЖ-ын сайд Н.Цэрэнбат утааг бууруулах талаар ирэх жил дорвитой ажил хийвэл 50-60 хувиар буурах боломжтой гэж үзсэн ч төсөв мөнгө нь батлагдсангүй. Сайдын зүгээс өөр санал санаачилга, тухайлбал ахуйн хий рүү эргэлт буцалтгүй шилжих, сэргээгдэх эрчим хүчний хуулийг өөрчилж өрх бүр нарны эрчим хүчээр хангагддаг байх боломжийг нээх, орон сууцжуулах зэргийг зүтгүүлсэнгүй, яндангийн шүүлтүүр нь унангуут дургүйд хүчгүйн үлгэрээр тэр чигт нь хөсөр хаясан тул 2019 оны өвөл ч Улаанбаатар хот утаатай хэвээр байх нь ээ.

---