Хууль зүйн сайд асан Х.Тэмүүжин өнгөрсөн долоо хоногт хэвлэлд өгсөн ярилцлагадаа “Зээлтэй холбогдсон хүмүүсийг хараад байхад жилийн өмнөх Засгийн газар унасан, мөн байгуулагдсан үйл явдалтай холбоотой байх шиг. У.Хүрэлсүхийн Засгийн газар УИХ дахь өөрийнхөө түншүүдийг урамшуулсан шан харамж, барьцаа маягтай зүйл юм биш үү гэж харагдахаар байна. УИХ-ын гишүүний нэг кноп 950 сая төгрөгөөр үнэлэгдсэн юмдаг уу даа” гэж ярьсан байгаа.

 

 

Жил гаруйн өмнө Ж.Эрдэнэбатын Засгийн газрыг огцруулахыг дэмжсэн 42 гишүүнээс МАН-ын 33-ын нэрсийг эргэн санацгаая. 42 гишүүн дотор Бие даагч 1, АН-ын 8, МАН-ын 33 гишүүн огцруулахыг дэмжиж кноп дарсан юм.  

1.    Т.Аюурсайхан - МАН

2.    С.Батболд - МАН

3.    Б.Батзориг - МАН

4.    О.Батнасан - МАН

5.    Б.Баттөмөр - МАН

6.    Х.Болорчулуун  - МАН

7.    Ж.Ганбаатар   - МАН

8.   Д.Гантулга   - МАН

9.   Ц.Гарамжав  - МАН

10. Ц.Даваасүрэн  - МАН

11. Д.Дамба-Очир   - МАН

12. Б.Жавхлан - МАН

13. Г.Занданшатар  - МАН

14. Х.Нямбаатар -  МАН

15. Ц.Нямдорж  - МАН

16. М.Оюунчимэг  - МАН

17. Л.Оюун-Эрдэнэ  - МАН

18. Ш.Раднаасэд - МАН

19. Д.Сарангэрэл  - МАН

20. Я.Содбаатар -МАН

21. Г.Солтан -МАН

22. Д.Сумьяабазар  - МАН

23. А.Сүхбат  - МАН

24. Д.Тогтохсүрэн  - МАН

25. Ч.Улаан   - МАН

26. Н.Учрал -МАН

27. Ч.Хүрэлбаатар   - МАН

28. Д.Цогтбаатар - МАН

29. С.Чинзориг - МАН

30. Л.Элдэв-Очир - МАН

31. Ж.Энхбаяр  - МАН

32. Л.Энхболд  - МАН

33. Б.Энх-Амгалан - МАН

Засгийн газрыг унагахад кноп дарсан сайд Б.Батзориг зээлийн асуудлаас болж огцорсон. Зээл авсан сайд нарын нэг, Зам тээвэр, хөгжлийн сайд Я.Содбаатар гүлдийгээд, ордноор үзэгдэхгүй, яаман дээрээ бүгээд байгаа. Б.Батзоригийг явуулаад, Я.Содбаатарыг сугалаад үлдчихлээ гэж олон нийт маш ууртай байгаа нь үнэн.

Кнопчид болох Г.Солтан, Ж.Энхбаяр, Х.Болорчулуун, Н.Учрал нарын гишүүд бас энэхүү зээлд шууд холбогдчихоод байгаа. Гишүүн А.Сүхбатын талаар баримтууд гарч ирж байгаа ч тэрээр эрс үгүйсгэсэн. Сэтгүүлчид нотлохын төлөө явж байгаа гэсэн мэдээлэл бидэнд өгөөд байна. Мөн одоо сайд хийж байгаа хоёр хүний зээлийн асуудал тун удахгүй сөхөгдөнө гэсэн мэдээлэл бий. 

Хамгийн сүүлд сэтгүүлчид УИХ-ын гишүүн О.Батнасангийн дүүгийн эзэмшлийн “Топкондитер” компани Жижиг дундаас 950 сая төгрөгийн зээл авсан баримтыг гаргаад ирлээ. УИХ-ын гишүүн Х.Нямбаатар өөрийн хамаарал бүхий “Өгөөдэйн Ази” ХХК-иараа дамжуулан дээрх сангаас мөн адил 950 сая төгрөгийн зээлийг авсан байх юм.

Тэгэхээр Засаг унагахад дэмжлэг үзүүлсэн гишүүдийн кнопыг 950 саяар авлигадсан юм биш үү гэсэн сайд асан Х.Тэмүүжиний үг үнэн болж таарч байгаа юм биш үү. Цаашид ч олон олон баримт гарч ирэхээр дуншиж байгаа мэдээтэй байна. Тэр үед энэхүү хардлага улам батжих нь гарцаагүй юм.

---