Узбекистан улсын Ташкент хотноо жүдо бөхийн "Ташкент 2018" гран при тэмцээн өнөөдөр эхэлж буй бөгөөд манай www.livetv.mn сайт шууд дамжуулахаас гадна мэдээ, мэдээллийг шуурхай хүргэж байна.

Эрэгтэйчүүдийн -66кг жинд ОУХМ Д.Алтансүх хэсгийн аваргын төлөөх барилдаанд ОХУ-ын Часигов Исмайлд ялагдсан хэдий ч дагах барилдаанд Португал улсын тамирчин Крисостомо Жоаг ялсанаар хүрэл медалийн төлөө барилдах эрхтэй боллоо. Тэрээр хүрэл медалийн төлөө Азербейжан улсын тамирчин Шихализада Нижаттай барилдахаар дэвжээнд гарч ирлээ. ОУХМ Д.Алтансүхийн хувьд 1981 оноотойгоор дэлхийн чансааны 18т эрэмблэгдэж буй бол Азербейжан улсын тамирчин Шихализада Нижатын хувьд 1453 оноотойгоор дэлхийн чансааны 28д эрэмблэгдэж буй тамирчин юм. Өмнө нь хоёр тамирчин 2015 онд Парисын их дуулга тэмцээнд нэг удаа учраа тааран барилдаж манай тамирчин ялж байсан удаатай. Хоёр тамирчин нас чацуу буюу хоёул энэ жил 30 нас хүрч байгаа юм.

Дашрамд сонирхуулахад ОУХМ Д.Алтансүх Ташкентийн гран при тэмцээнд 2014 оноос хойш тасралтгүй оролцож оролцох бүртээ медаль хүртээд байна.

Медалийн төлөөх барилдааныг шууд үзэх:

---