Узбекистан улсын Ташкент хотноо жүдо бөхийн "Ташкент 2018" гран при тэмцээн өнөөдөр эхэлж буй бөгөөд манай www.livetv.mn сайт шууд дамжуулахаас гадна мэдээ, мэдээллийг шуурхай хүргэж байна.

Эрэгтэйчүүдийн -60кг жинд барилдаж буй МУГТ Г.Болдбаатар алтан медалийн төлөө Узбекистан улсын тамирчин Урозбоев Диёорбектэй барилдахаар дэвжээн дээр гарч ирж байна. Урозбоевийн хувьд хагас шигшээ барилдаанд Д.Амартүвшинг ялж ийнхүү финалд үлдээд байна. Урьд өмнө нь хоёр тамирчин нийт 4 удаа учраа таарч МУГТ Г.Болдбаатарын хувьд 3 ялаад байгаа юм. 

Насны хувьд 6 насны зөрүүтэй буюу МУГТ Г.Болдбаатар энэ жил 31 настай бол Урозбоев энэ жил 25 настай ид үе дээрээ байгаа тамирчин юм. Туршлагын хувьд МУГТ Г.Болдбаатар хавьгүй илүү байх магадлалтай юм. 

Урозбоев Диёорбекын хувьд Риогийн олимпийн их наадмын хүрэл медаль, өнгөрсөн жил Будапештын Дэлхийн аварга шалгаруулах тэмцээнээс хүрэл медаль хүртээд байгаа тамирчин юм. 

Медалийн төлөөх барилдааныг шууд үзэх:

---