Азийн оюутны аварга шалгаруулах хөлбөмбөгийн IV тэмцээн БНХАУ-ын Жинжиянь хотод  18,000 хүний суудалтай цэнгэлдэх хүрээлэнд өнгөрсөн сарын 29-нөөс эхэлж энэ сарын 11 хүртэл болно. Тэмцээнд Иран, Вьетнам, Хонгконг, Энэтхэг, БНСУ, Сингапур, Саудын Араб, Тайвань, Оман, Малайз, Макао, Монгол, БНХАУ, Тайланд, АНЭУ, Пакистан зэрэг 16 орон баг тамирчид оролцож байна.

Монголын эрэгтэйчүүдийн баг эхний удаагийн тоглолтоо Оманы багтай хийж 4:0 харьцаатай өндөрлүүлсэн бол эмэгтэйчүүдийн баг “А” хэсэгт багтаж БНХАУ-ын 1-р баг, Сингапурын багтай тоглож 2:1 харьцаатай өндөрлүүлжээ. Монголын Оюутны хөлбөмбөгийн эмэгтэйчүүдийн баг МУБИС- ийн баг дээр түшиглэн байгуулагдсан юм.

 

Үүсэн байгуулагдсанаасаа хоёр жилийн дараа буюу 1956 оноос эхлэн Азийн хөлбөмбөгийн холбоо (АХБХ) өөрийн гишүүн улс, орны шигшээ багуудын аварга шалгаруулах тэмцээнийг дөрвөн жилд нэг удаа эрхлэн явуулдаг болжээ. 2004 онд зохиогдсоны дараа нэг оноор зөрөн өөрчлөгдөж 2007 он, тэгээд цааш дөрвөн жил тутамд зохион явагдахаар болсон. Хамгийн сүүлд 2015 онд Австрали улс тэмцээнийг хүлээн авсан бол 2019 онд Арабын Нэгдсэн Умирт Улсад аварга баг тодрох товтой байна. Бүгд 16 тэмцээн ард хоцорсноос Япон улсын баг хамгийн олон (4) удаа түрүүлж, Али Даеи хамгийн олон (14) бөмбөг оруулаад байгаа.

Монголын оюутны хөлбөмбөгийн эрэгтэйчүүдийн баг тамирчид БНХАУ-д болсон өмнөх хоёр удаагийн Азийн оюутны аваргын тэмцээнүүдэд оролцсон туршлагатай баг юм. Эрэгтэйчүүдийн багийн ахлах дасгалжуулагчаар Үндэсний БТДС-ийн багш Д.Батнасан, эмэгтэйчүүдийн багийн ахлах дасгалжуулагчаар МУБИС-ийн багш Д.Анхбаяр нар баг тамирчидаа удирдан оролцож буй. Энэ тэмцээнээс шалгарсан эмэгтэй, эрэгтэйчүүдийн хоёр баг н 2019 онд тус хотод анх удаагаа зохиогдох дэлхийн оюутны лигийн тэмцээнд шалгарч оролцох юм. 

 

 

 

---