БНХАУ-ын Дакинд хотноо 2018.10.28-11.04 өдрүүдэд снукер билльярдын "The 2018 International Championship" тэмцээн явагдаж байгаа бөгөөд манай www.livetv.mn уг тэмцээний талаарх мэдээллийг тогтмол шуурхай дамжуулж байгаа билээ.

Өчигдөр болсон шигшээ найман тамирчны тоглолтууд тун сонирхолтой болж өндөрлөсөн бөгөөд снукер билльяард сонирхогчдын таамаг үндсэндээ эвдэгдсэн гэж хэлж болно. Учир юу гэвэл тэмцээний эхнээс маш сайн тоглолтыг үзүүлж уг тэмцээнд түрүүлэх хэмжээнд яригдаж байсан Ж.Трамп болон М.Селби нар хожигдож тэмцээнээ дуусгалаа.  

Ж.Трампын хувьд дэлхийн чансааны 21т эрэмблэгдэж буй Ж.Лисовски-д 2:6 харьцаагаар хожигдлоо. Тоглолтын эхнээс Ж.Лисовски маш зоригтой цохилтуудыг хийж байсан бол Ж.Трамп хэт хайнга цохилтуудыг гүйцэтгэж байсан нь тоглолтын хувь заяаг шийдчих боллоо. 

Ж.Трамп болон Ж.Лисовски нарын тоглолтыг бүрэн эхээр нь үзэх.

Харин дэлхийн чансааны №1-т эрэмблэгдэж буй М.Селби чансааны 10-т эрэмблэгдэгдэж буй Н.Робертсонд 4:6 харьцаагаар хожигдож тэмцээнээ дуусгалаа. Н.Робертсон тэмцээний эхний тойргуудад тийм ч сайн тоглолтыг үзүүлэхгүй байсан хэдий ч өчигдрийн тоглолтын эхнээс маш нягт тоглолтыг үзүүлж хожил авлаа. Маргааш шилдгүүдийг буулган авсан Н.Робертсон болон Ж.Лисовски нарын тулаан бүхний анхаарлын төвд байна. Манай www.livetv.mn сайт уг тоглолтыг шууд дамжуулан хүргэх болно. Монголын цагаар 14:00 цагаас болон 19:30 цагаас тоглолтууд явагдах юм. 

М.Селби болон Н.Робертсон нарын тоглолтыг бүрэн эхээр нь үзэх:

---