Энэтхэгийн тусгаар тогтнолын баатар Сардар Валлабхбай Пателын мэндэлсэн өдөр тохиож, үр хойч нь түүний нэр алдрыг дэлхийн түүхэнд мөнхөллөө.

Өчигдөр Сардар Пателын мэндэлсний 143 жилийн ой тохиож Ерөнхий сайд Нарендра Моди дэлхийн хамгийн өндөр хөшөөг барьж дуусгаснаа тэмдэглэсэн юм.

Хөшөөний нээлтийн арга хэмжээн дээр Нарендра Моди хүндэтгэл үзүүлж, энэтхэгчүүд энэ өдрийг мартаж болохгүй хэмээн мэдэгджээ.

Сардар Пателын аварга хөшөөний хөлийн хуруу л гэхэд сагсан бөмбөгийн самбартай ижил өндөр бөгөөд хөшөөний эзлэх талбай америк хөлбөмбөгийн хоёр талбайг нийлүүлсэнтэй тэнцэх аж.

Жил бүрийн 10 дугаар сарын 31-ний өдрийг тус улсад Эв нэгдлийн өдөр болгон тэмдэглэдэг уламжлалтай.

Энэ өдөр нээлтээ хийсэн Эв нэгдлийн хөшөөний өндөр 182 метр буюу Америкийн эрх чөлөөний хөшөөнөөс тав дахин том юм.

Уг хөшөөг баригдаж дуусахаас өмнө Хятадын Люшан дахь 153 метр өндөр Хаврын сүмийн Будда хөшөө хамгийн өндөр нь байжээ.

93 настай ахмад уран бүтээлч Рам Сутар 400 сая ам.доллараар боссон хөшөөний ерөнхий загварыг гаргажээ. Сардар Пател нь Энэтхэгийн анхны Шадар сайд байсан бөгөөд 500 гаруй мужийг нэгтгэж чадсан гавьяатай.

Ерөнхий сайд Нарендра Модигийн дэлхийд танигдсан агуу бүтээн байгуулалт хийх санаа үүгээр дуусахгүй.

Тэрээр 2021 онд 212 метр өндөр, Марата эзэнт гүрнийг байгуулсан Чхатрапати Шиважи Махаражийн дурсгалд зориулсан хөшөөг барьж дуусгахаар төлөвлөжээ.

Эх сурвалж: www.nytimes.com

---