™ watch
™ watch
Хоёр хоногийн өмнө Испанийн Ла лигийн ноён оргилууд болох Барселона болон Реал Мадрид багуудын тулаан Барселона багийн Камп Нөү цэнгэлдэх хүрээлэнд явагдаж Барселона клуб 5:1 харьцаагаар Реал Мадрид багийг бут ниргэсэн болохыг бид мэдээлсэн билээ. Энэ тоглолт юу нь онцлог байсан гэхээр сүүлийн 11 жилийн хугацаанд анх удаа уг хоёр багийн домогт тоглогчид болох Л.Месси, К.Роналду хоёрын аль нэгэнгүйгээр явагдсан нь онцлог байлаа. Өөрөөр Реал Мадрид клуб домогт тоглогч К.Роналдог явуулсныхаа дараа түүхэнд байгаагүй хамгийн муу амжилтаар лигийн тоглолтоо эхлүүлээд байна. Харин эсрэгээрээ К.Роналдог авсныхаа үр дүнд түүхэндээ байгаагүй хамгийн сайн амжилтаар Ювентус баг лигийн шинэ улирлаа эхлүүллээ.
Мөн түүнчлэн Италийн Сериа А лигт К.Роналда мэргэн буучдын жагсаалтын хоёрдугаар бичигдэж байгаа ба Аваргуудын лигийн мэргэн буучдын жагсаалтыг 120 гоолтойгоор итгэл төгс тэргүүлж байна. Түүний араас мэдээж Л.Месси 103 гоолтойгоор нэхэж байна.
К.Роналдо Реал Мадрид багаас явах болсон шалтгаануудаа тайлбарлахдаа "Реал Мадрид багийн ерөнхийлөгч Перез өөрийг нь зөвхөн "мөнгө" гэж харж хүндэтгэлтэй харьцдаггүйгээс гадна өөрийнх нь өрсөлдөгч тамирчдаас цалингийн хувьд 2-3 дахин бага цалин өгч буй"-г хэлсэн байдаг. Тэр үед Реал Мадрид багийн боссын гаргасан шийдвэр хамгийн муу шийдвэр байсан нь одоо бараг үндсэндээ батлагдаж байх шиг. Тэрээр хэлэхдээ "багаас илүү том тоглогч гэж байхгүй" гэж байсан бол одоо Багаас илүү том тоглогч байдаг болохыг тэр К.Роналдо өөрөө болохыг баталсаар байна.
Сүүлийн үед дуулиан дэгдээд буй К.Роналдогийн хүчингийн хэрэгт холбогдсон эсэх асуудал нь Реал Мадридын боссын нисгэсэн "бор шувуу" байх магадлалтай юм.
Ингээд К.Ронадогийн Ювентус багт ирээд хэрхэн уран гоё тоглолтыг үзүүлж байгаа түүвэр бичлэгийг хүргэж байна.
