Гадаад харилцааны сайд Н.Энхтайван өөрийн цахим хуудаснаа Монгол улсыг “Саарал жагсаалтаас гаргасныг зарлав" хэмээн жиргэжээ.

Гэвч түүний мэдээлэл ташаа болохыг Монгол банкны хэвлэлийн төлөөлөгч Д.Оргил мэлдээлжээ. Тэрээр,

“Татварын сайн засаглалын зарчмуудыг хэрэгжүүлэхэд ЕХ-той хамтран ажиллах шаардлагатай улсуудын жагсаалт” буюу ЕХ-ны саарал жагсаалтаас Монгол Улсыг гаргасан шийдвэрийг ЕХ-ны Сангийн сайд нар энэ 6-нд гаргасан. Энэ нь ФАТФ-ын саарал жагсаалтаас өөр юм” гэжээ.

Мөн Сангийн сайд Ч.Хүрэлбаатар “Саарал жагсаалт”-аас гараагүй шүү” гэж хэвлэлийнхэнд мэдэгдлээ.

Энэ бүхнээс дүгнэж үзвэл улсын гадаад харилцаа, түүнд зориулсан бодлого үйл ажиллагааг сайтар мэдэж байх ёстой Гадаад харилцааны сайд ташаа мэдээлэлтэй сууж байсан болж таарч байна.

Харин буруу мэдээлэл тараасныгаа залруулж Гадаад харилцааны сайд ямар нэгэн тайлбар бичсэнгүй, харин үдээс хойш хэвлэлийн хурал зарлажээ. 

---