Орон нутгийн сонгуулийн сурталчилгаа эхлээд талдаа явж байна. Сонгуулийн сурталчилгаа дуусахад ес хоног үлдсэн тул бид сонгогч нарын боловсролд зориулж "Сонгогчдын боловсролын төв" ТББ-ын гүйцэтгэх захирал С.Оюунтуяатай ярилцлаа.

"Сонгогчдын боловсролын төв" ТББ-ын гүйцэтгэх захирал С.Оюунтуяа" Сонгууль гэдэг бол өөрөө үндсэн хоёр чухал асуудалтай холбоотой байдаг. Нэг нь өөрийгөө төлөөлүүлж сайн хүнийг сонгох асуудал. Хүн өөрийн амьдрах орчин, үр хүүхдийн аюулгүй өсөж торних орчин, бидний гараад зорчих зам талбай ямар байгаасай гэж хүсэж байна. Тэр орон нутгийн хөгжлийн төлөө НИТХ-ын сонгууль ихээхэн чухал. Анзаарвал үндэсний түвшний сонгуулийн оролцоо идэвх сайн байдаг. Иргэдтэй хамгийн ойр байх заавал оролцох ёстой орон нутгийн сонгуулийн оролцоо их тааруу байдаг. 

Тэгэхээр иргэд өөрсдийнхөө амьдрах орчныг аюулгүй байлгахыг хүсэж л байгаа бол заавал орон нутгийн сонгуульдаа очиж оролцох ёстой.

Мөн иргэдийн дунд "Бид хоёр шатны хурлын байгууллага сонгон гэхээр юуг хэлж байна вэ?" гэх асуудал  байна. "Сонгогчдын боловсролын төв" ТББ-ын хувьд сонгууль болгоноор сонгогчийн лавлах утсыг (18002800) СЕХ-той хамтарч ажиллуулдаг.

Хэрвээ иргэн та нийслэл хотод оршин суугч бол нийслэлийн хурал болон дүүргийнхээ хурлыг сонгоно. Орон нутгийн сонгогч бол аймгийнхаа иргэдийн хурлыг сонгож мөн сумынхаа хурлыг сонгох юм. Энэ нь бидний хоёр шатны хуралд саналаа өгнө гэх зүйлийг хэлээд байгаа юм.

---