Олувил, Шри-Ланка

Заанууд ширэнгэн ойн дунд орших хогийн цэгээс хоол хайж байна. Энэ бүс нутагт үхсэн зааны гэдэснээс шингээгүй полиэтилен болон бусад хуванцар хаягдал илэрсэн байдаг.

Клийвленд, Охайо муж, АНУ

АНУ-ын Ерөнхийлөгч Дональд Трамп болон Ардчилсан намаас нэр дэвшигч Жо Байден нар Кейс Уэстэрн их Сургуульд болсон Ерөнхийлөгчийн анхны мэтгэлцээний үеэр. Үүний дараахан Трамп коронавирусээр халдварласан болох нь тогтоогдсоноор АНУ-ын удирдлага тодорхойгүй байдалд орж, халдвар Засгийн газарт хэр гүнзгий тархсан бэ гэсэн асуулт гарч ирсэн юм.

Роков, Чех

Роков тосгонд зөрөг цэцгийн ургац ангилж байсан ажилчид амарч байна. Чех улсын дэлхийд алдартай шар айргийн үйлдвэр олон зууны туршид тус улсын соёлын томоохон үзмэрүүдийн нэг байсаар ирсэн. Чех шар айргийн салбар дэлхийн хоёр дайн болон олон арван жилийн коммунизмыг туулахдаа ч цэцэглэн хөгжсөөр байсан бөгөөд борлуулалт нь бараг унаагүй гэдэг. Гэвч коронавирусийн цар тахлын тархалтыг зогсоох хязгаарлалтын улмаас тус улсын шар айргийн ашиг эрс буурсан байна.

Мехико хот, Мексик

Олон улсын аюулгүй үр хөндөлтийн өдөр Мехико хотод болсон жагсаалын үеэр үр хөндөлтийг хуульчлахыг дэмжигчид цагдаа нартай мөргөлдсөн нь.

Уагадугу, Буркина Фасо

Амны хаалт зүүсэн сурагчид хичээлийн шинэ жилийн эхний өдөр бага сургуулийнхаа нээлтийг хүлээн, жагсаж байна.

Парис, Франц

"Jardin des Buttes Chaumont" цэцэрлэгт хүрээлэнд болж буй "Koche" брэндийн 2021 оны хавар, зуны шоуны үеэр загвар өмсөгчид шүхэр барин, ээлжээ хүлээж байна. Хэдий Францын Засгийн газраас "Covid-19"-тэй холбоотой чанга хатуу хязгаарлалтуудыг тавиад байгаа ч Парисын загварын долоо хоног ердийн шоу болон цахим дамжуулалтын аргаар зохион байгуулагдаж байгаа юм.

Имола, Итали

Имола хотод зохин байгуулагдсан Олон улсын дугуйн холбооны авто замын дэлхийн аварга шалгаруулах тэмцээний Эрэгтэйчүүдийн элит замын уралдааны үеэрх дугуйчид.

Бней Брак, Израиль

Бней Брак хотын нэгэн Харедим еврей хүн тахиа барин, Капаротын зан үйл хийж байна. Еврейчүүд энэ зан үйлээр дамжуулан өнгөрсөн жилийнхээ нүглийг тахиа руу шилжүүлдэг гэж үздэг.

Лаврио, Грек

Лесбос, Чиос, Самос, Кос, Лерос арлуудаас дүрвэгсэд Лаврио боомт дээр буусныхаа дараа Грекийн эх газарт хүрэх автобусанд суухаар хүлээж байна. Тэдний дунд нэгэн эмэгтэй унтаж буй хүүхдээ тэврэн хүлээх нь харагдана.

Хадрут, Азербайжан

Армени гаралтай сайн дурын элсэгчид Нагорно-Карабах бүс нутгийн фронт руу явахаасаа өмнө дүрэмт хувцас, зэвсгээ авахаар цугларчээ. Армени, Азербайжаны цэргийн хүчнүүдийн газар нутгийн маргааны хурцадмал байдал үргэлжилж, олон арван хүн амь үрэгдэж, түүнээс олон хүн шархадсан байна.

Эх сурвалж: The Guardian

---