Монгол Улсын Ерөнхийлөгч Х.Баттулга зарлиг гарган дараах нэр бүхий хүмүүст төрийн дээд, одон медаль гадууллаа. 
Монгол Улсын хөдөлмөрийн баатар цолоор: 

-Хөдөө ахуйн салбарт оруулсан хувь нэмрийг үнэлж Сүхбаатар аймгийн Баяндэлгэр сумын малчин С.Чулуунбаатарыг шагналаа. С.Чулуунбаатар нь мал аж ахуйн салбар 48 жил хөдөлмөрлөж байгаа бөгөөд 24 өрхийн 72 хүнийг ажлын байраар хангаж байгаа аж. Малын тоо толгой нь 3000 давжээ. 

-Баян-Өлгийн аймгийн нэгдсэн эмнэлгийн ахмад эмч Н.Есейг Хөдөлмөрийн баатар цолоор шагналаа. Тэрээр эрүүл мэндийн салбарт 40 гаруй жил ажилласан бөгөөд хөдөө орон нутагт хийдэггүй олон хагалгааг орон нутагтаа нутагшуулж, олон хүний амь аварчээ. 

Монгол Улсын Ардын эмч цолоор:
Монгол Улсын эрүүл мэндийн салбарыг хөгжүүлэх, хүн амын эрүүл мэндийг сахин хамгаалах, мэс заслын шинэ арга технологиудыг практикт нэвтрүүлэх, хойч үеэ сурган хүмүүжүүлэх үйлсэд оруулсан хувь нэмрийг үнэлж, Клиникийн хоёрдугаар нэгдсэн эмнэлгийн дарга Рэнцэнгийн Цэдэн-Иш.

Монгол Улсын ардын цолоор: 

-Чөлөөт бөхийн суурийг тавьж, олон шавь нараа амжилтад хүргэсэн хувь нэмрийг үнэлж ахмад дасгалжуулагч, гавьяат тамирчин Х.Намширыг шагнав. 

-Монгол Улсын гавьяат цолоор:

-Аж үйлдвэрийн гавьяат ажилтан цолоор Д.Зоригт /Эрчмийн Ундраа компанийн ерөнхий инженер/

-Аж үйлдвэрийн гавьяат ажилтан цолоор Г.Нанзад /Монголын менежментийн зөвлөхүүдийн холбооны ахлах зөвлөх/

-Аж үйлдвэрийн гавьяат ажилтан цолоор Ц.Эрдэнэбилэг /АПУ ХХК-ийн гүйцэтгэх захирал/ 

-Гавьяат багш цолоор Ч.Чанцал /Нийслэлийн ЕБ-ын 73-р сургуулийн захирал/

-Гавьяат багш цолоор  М.Гаамаа /Дундговь аймгийн Сайнцагаан сумын ахмад багш/

-Гавьяат багш цолоор  Ц.Гомбо /Төв аймгийн Лүн сумын ЕБС-ийн ахмад багш/

-Гавьяат багш цолоор  Ш.Дуламсүрэн /Монголын Улсын консерваторийн багш/

-Гавьяат багш цолоор  Н.Нямжав /ШУТИС-ийн Барилга архитехтурын ахмад багш/

-Гавьяат багш цолоор С.Пүрэвжав /Хөвсгөл аймгийн Галт сумын ахмад багш/

-Гавьяат багш цолоор Б.Энхбаяр /Завхан аймгийн Тэс сумын ЕБС-ийн ахмад багш/

-Гавьяат барилгачин цолоор Ц.Зулхүү /Ариун-Очир ХХК-ийн ерөнхий захирал/

-Гавьяат дасгалжуулагч цолоор Н.Дариймаа /Монголын байт харваагийн холбооны дэргэдэх өсвөрийн дасгалжуулагч/

Монгол Улсын гавьяат жүжигчин цолоор Чөлөөт уран бүтээлч, дуучин Төмөрийн Батсайхан,

“Маск” продакшны жүжигчин Жижирдоогийн Мөнхсайхан,

-Гавьяат жүжигчин цолоор Н.Онон /X-ТҮЦ продакшны захирал/

-Гавьяат малчин цолоор Ч.Цоггэрэл /Сүхбаатар аймгийн Эрдэнэцагаан сумын малчин/

-Гавьяат тамирчин цолоор Т.Болд  /Монголын ширээний теннисны холбооны ахмад тамирчин/

-Гавьяат тээвэрчин цолоор  Л.Ганболд /Ховд аймгийн зорчигч тээвэр компанийн захирал/

-Гавьяат хуульч цолоор  Б.Галдаа /УЕПГ-ын ахмад ажилтан/

-Гавьяат механикжуулагч цолоор Сэлэнгэ аймгийн “Баян шинэ зам” ХХК-ийн зөвлөх Лувсаншаравын Жалхар,

-Хүний гавьяат эмч цолоор З.Лхагвасүрэн /Улсын гуравдугаар төв эмнэлгийн эмч/

-Хүний гавьяат эмч цолоор Г.Байгальмаа /Баянхонгор аймгийн Хүрээмарал сумын их эмч/

-Хүний гавьяат эмч цолоор Ч.Оюунчимэг /Баянхонгор аймгийн нэгдсэн эмнэлгийн зөвлөх эмч/

-Хүний гавьяат эмч цолоор С.Ганбат /Дорнод бүсийн оношилгоо эмчилгээний төвийн мэс заслын зөвлөх эмч/

-Хүний гавьяат эмч цолоор Хөвсгөл аймгийн “Оточ” эмнэлгийн их эмч Дандарын Мягмар,

-Хүний гавьяат эмч цолоор Өмнөговь аймгийн “Нинж-Ачлал” эмнэлгийн хүүхдийн эмч Рашбудын Тунгалаг

-Хүний гавьяат эмч цолоор АШУҮИС-ийн багш Авирмэдийн Эрдэнэбилэг

-Монгол Улсын Соёлын гавьяат зүтгэлтэн цолоор Монголын үндэсний сурын холбооны хүндэт ерөнхийлөгч Сэдэдийн Батхуяг,

-Соёлын гавьяат зүтгэлтэн цолоор Н.Баярмаа /МҮОНРТ-ийн нэвтрүүлэгч/

-Соёлын гавьяат зүтгэлтэн цолоор Баянхонгор аймгийн Баянцагаан сумын ахмад настан Хувцагааны Сансалмаа,

-Урлагийн гавьяат зүтгэлтэн цолоор А.Очирболд /Чөлөөт уран бүтээлч/

-Урлагийн гавьяат зүтгэлтэн цолоор Ховд аймгийн Хөгжимт драмын театрын ерөнхий удирдаач Нацагийн Цолмон,

-Урлагийн гавьяат зүтгэлтэн Г.Эрдэнэчулуун /Хөгжмийн зохиолч/

-Үйлчилгээний гавьяат ажилтан цолоор Д.Бямбадагва /Дотоодын цэргийн 805-р ангийн харуулчин, ахлах дэслэгч/

-Үйлчилгээний гавьяат ажилтан цолоор ЦЕГ-ын Автобаазын жолооч, ахлагч Намхайдагвын Ганхуяг

Монгол Улсын Хөдөө аж ахуйн гавьяат ажилтан цолоор Баян-Өлгий аймгийн Толбо сумын ахмад настан Хахарманы Минат,

-Монгол Улсын Худалдааны гавьяат ажилтан цолоор Дорноговь аймгийн Дэлгэрэх сумын “Загийн говь” хоршооны захирал Баасанжавын Мөнхөө,

Баян-Өлгий аймгийн “Цамбагарав” ХХК-ийн захирал Хахсатын Саясат,

-Эрүүлийг хамгаалахын гавьяат ажилтан цолоор Ж.Батаа /Ач анагаах ухааны их сургуулийн багш/

-Эрүүлийг хамгаалахын гавьяат ажилтан цолоор Б.Жамсран /Ховд аймгийн "Эрүүл заяа" ТББ-ын тэргүүн/

-Эрүүлийг хамгаалахын гавьяат ажилтан цолоор Нийслэлийн Түргэн тусламжийн төвийн дарга Цэгмидийн Пүрэвдаш,

-Сүхбаатарын  одонгоор Б.Цэрэнбалтав /УЕПГ-ын ахмад ажилтан/ нарыг тус тус шагналаа. 

---