УИХ-ын дарга Г.Занданшатар хөдөө орон нутагт ажиллаж байгаа томилолтынхоо хоёр дахь өдөр Завхан аймгийн Алдархаан, Булган аймгийн Хутаг-Өндөр суманд зочилж, иргэдтэй уулзалт хийн, санал хүсэлтийг нь сонсчээ.

УИХ-ын дарга Г.Занданшатар иргэдийн асуултад хариулах үеэрээ Бэлчээрийн тухай хуулийн төслөөр малчин иргэдийг оролцуулсан Зөвлөлдөх санал асуулгыг ирэх арваннэгдүгээр сард УИХ-аас зохион байгуулахаар төлөвлөж буйг онцоллоо.

Мал сүргийн тоо тасралтгүй нэмэгдэж байгаа ч бэлчээрийн даац хэтэрч, нутаг ус булаацалдсан маргаан гарах болсон тул бэлчээрийн хураамжтай болох нь зүйтэй гэж үзэж байгааг малчид дэмжиж байгаагаа илэрхийлжээ.  

Иргэдтэй хийсэн уулзалтын үеэр УИХ-ын дарга Г.Занданшатар gймаг, сум бие даан хөгжих боломжийг олгосон, төвлөрлийг сааруулж, орон нутагт эрх мэдлийг шилжүүлэх агуулгатай Засаг захиргаа, нутаг дэвсгэрийн нэгж, түүний удирдлагын тухай, Хот, тосгоны эрх байдлын тухай хуулийг хэлэлцэх гэж байгааг мэдээлж, иргэдийг хуулийн төсөлд саналаа өгөхийг уриалав.

Мөн улс орноо үйлдвэржүүлэх болон халамжаас бүтээмж рүү шилжих бодлого боловсруулж, хэрэгжүүлэхийг  энэ хх хурал онцгой чухалд тооцож байга онцоллоо.

---