АНУ-ын Ерөнхийлөгч Дональд Трамп болон тэргүүн хатагтай Меланиа Трамп нараас Ковид-19-ийн халдвар илэрсний дараа тусгаарлаж эхэлсэн болохыг эх сурвалжууд мэдээлж байна. Энэ тухай Трамп өөрийн Твиттер хуудсандаа нийтэлжээ.

Энэ долоо хоногт Клийвлэндэд болсон халз мэтгэлцээний дараа нисдэг тэргээр хамт зорчсон Трампын ойрын туслах Хөүп Хиксээс коронавирус илэрсэн тухай бид мэдээлсэн билээ. Үүний дараа Трамп төдийгүй халз мэтгэлцээнд оролцсон АН-аас АНУ-ын Ерөнхийлөгчийн сонгуульд нэр дэвшиж буй Жо Байден коронавирусийн халдвар авсан байх өндөр магадлалтай болоод байна.

Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!

— Donald J. Trump (@realDonaldTrump) October 2, 2020

Түүнчлэн Цагаан ордноос хийсэн мэдэгдэлд Ерөнхийлөгч болон тэргүүн хатагтай Цагаан ордон дахь гэртээ тусгаарлагдаж эмчлэгдэх ба одоогоор биеийн байдал нь сайн байгаа гэжээ. 

As too many Americans have done this year, @potus & I are quarantining at home after testing positive for COVID-19. We are feeling good & I have postponed all upcoming engagements. Please be sure you are staying safe & we will all get through this together.

— Melania Trump (@FLOTUS) October 2, 2020

Эх сурвалж: ВВС, The Guardian

---