Өнөөдөр Ахмадын баярын өдөр. Манай улс 1992 оноос хойш энэхүү өдрийг тэмдэглэж эхэлсэн бөгөөд өдгөө 28 дахь жилтэйгээ золгоод байна. НҮБ-аас анх 1990 онд ахмад настны баярыг тэмдэглэх шийдвэр гаргаснаар дэлхийн олон орон жил бүрийн аравдугаар сарын 1-ний өдрийг ахмад настнуудаа баярлуулах, хүндлэх, эрх ашгийг нь хамгаалах үйл ажиллагааг зохион байгуулан тэмдэглэдэг. Манай улсын хэмжээнд 300 мянга гаруй ахмад настан энэ өдрийг тэмдэглэж байгаа юм.

Тус өдрийг тохиолдуулан Үндэсний Статистикийн хорооноос ахмадуудтай холбоотой зарим тоон мэдээллийг инфографикаар бэлтгэжээ.

Монгол Улсад оршин суугаа хүн амын 7.3 хувь буюу 232 мянга нь 60-с дээш насны ахмадууд байна.
Тэдний 41 хувь нь эрэгтэй, 59 хувь нь эмэгтэй.

Нийт ахмадуудын 69 хувь нь хот болон аймгийн төвд амьдардаг бол үлдсэн 31 хувь нь сумын төв болон хөдөө амьдардаг. Мөн нийт ахмадуудын 40 хувь нь тэтгэврийн зээлтэй байна.

---