Манай улс мэргэжлийн далайчинтай болжээ. Тэрээр Монголын далбаатай онгоцон дээр ажллах далайчдыг бэлтгэж эхэлжээ. Улс орны гадаад харилцаа, эдийн засаг, тээврийн харилцааны 80 гаруй хувь нь далайн тээвэртэй холбоотой. Манай улсын хувьд улсынхаа далбааг байршуулдаг 300 хөлөг онгоц байдаг. Далайд гарцгүй учир хөрш зэргэлдээ орноор дамжуулан далай тээврийн үйл ажиллагаагаа явуулдаг. Өмнөд харш БНХАУ-р дамжуулан долоон боомтод чөлөөтэй зогсолт, тээвэрлэлт хийдэг байна. Эдгээр хөлөг онгоц дээр ажиллах боловсон хүчнийг бэлтгэн Монгол далайчидтай болж байгаа юм.

Олон улсад хүлээн зөвшөөрөгдсөн далайчин бэлтгэж байгаа нь манай улсын хувьд анхны тохиолдол. Далайчдыг эх орондоо сургаж мэдлэг олгоод Солонгос улсад дадлага бэлтгэл ажилд явуулаад байна.

Далайн захиргаанаас 2019 онд усан замын 145 тээврийн хэрэгсэл бүртгэлд хамрагдсаны 7 нь Улаанбаатар хотод зорчдог. Эдгээр нь онцгой байдлын аврах ажиллагаа, усан эргүүл зэрэгт үүрэг гүйцэтгэдэг байна. Манай улсын 11 аймагт усан замын тээврийн хэрэгсэл үйл ажиллагаа явуулдаг бөгөөд эдгээрийн 90 орчим хувь нь аялал жуулчлалын чиглэлээр үйл ажиллагаа явуулахад ашиглагддаг байна.  Үлдсэн хэсэг нь шинжилгээ судалгааны ажил, аврах, эрэх, сэргийлэх ажилд ашиглагддаг.

---