ХӨСҮТ-ийн Ерөнхий захирал Д.Нямхүү улсын хэмжээнд хийгдсэн коронавирус илрүүлэх шинжилгээний хариу болон эмчилгээний талаар мэдээлэл өглөө.

Тэрбээр "2020 оны есдүгээр сарын 21-22-ны хооронд буюу сүүлийн хоёр өдөрт улсын хэмжээнд 1406 хүнд шинжилгээ хийхэд ХӨСҮТ-д тусгаарлагдаж буй есдүгээр сарын 17-нд Хонконгоос ирсэн 53 настай эмэгтэйн давтан шинжилгээнээс коронавирус илэрлээ. Нийт зөөвөрлөгдөн батлагдсан тохиолдол 312 болж, 302 иргэн эдгэрч 11 иргэн ХӨСҮТ-д эмчлүүлж байна. Есөн иргэний биеийн байдал хөнгөн, хоёр иргэний биеийн байдал хүндэвтэр байгаа юм.

Монгол улсад батлагдсан 313 тохиолдол доорх замаар зөөвөрлөгдөн орж ирсэн.

-109 тохиолдол нь Алтанбулаг боомтоор

-187 тохиолдол нь тусгай үүргийн онгоцоор

-Ачаа тээврийн жолоочоос 17 коронавирусийн халдварын тохиолдол илэрчээ.

Коронавирусийн халдвар авсан иргэдийн хувьд 6-84 настай дундаж наслалт 28 байгаа бол эдгээр иргэд 14-64 хоногийн хугацаанд эмчлэгдэж эмнэлгээс гарч байна. Халдвар авсан иргэдээс 214 нь эрэгтэй байгаа юм. Дэлхийн бусад орнуудад ч коронавирусийн халдвараар эрэгтэй хүн түлхүү халдвар авсан байгааг тогтоосон.

---